D’Liewen um Duerf ëm 1900!

D’Equipe vum Musée proposéiert Iech eng ganz Rei Aktivitéiten bei deenen dir an engem hallwen oder ganzen Dag den haarden Alldag vun eise Virfaren kënnt erliewen.

Eng flott Offer fir Schoulklassen aus de Primärschoulen a Lycéeën, Maisons Relaisen an all aner Grupp déi Loscht op eng Zäitrees hunn.

Ouschteren wéi fréier

Klibberen, sangen, baken, fierwen, a villes méi.

Kommt mat bei d'Bomi an di gutt warem Kichen, kucken wat dat mat den Ouschterbräich esou op sech huet.

Max. 25 Kanner ab dem Cycle 1
März/Abrëll
Genee Datumen kënnen vun Joër zu Joër änneren.
Hallwen oder ganzen Dag
Ouschteren ass ëmmer den 1. Sonnden nom 1. Vollmound vum Fréijoer!

Atelier buchen

Bitzunterricht

Strecken, bitzen, häckelen,
selwer bitze léieren.

Firwat gouf Handaarbicht an der Schoul geléiert? Wéi goufen d'Kleeder hiergestallt? Mir kucken der Néiesch iwwert d'Schëller.

Max. 25 Kanner ab dem Cycle 3
Vun Januar bis August
2,5 Stonnen

Atelier buchen

Spillen wéi fréier

Seeler maachen, Bécksen schéissen, mat de Jicken spillen, a villes méi.

Hei können d'Kanner sech selwer en Sprangseel op der Seelmaschinn dréinen. Wat haten d'Kanner fréier fir Spiller mat denen se spillen konnten? Dir kennt se alleguerten ausprobéieren.

Max. 25 Kanner ab dem Cycle 2
Vun Januar bis August
3 Stonnen

Atelier buchen

Duerfschoul vu fréier

Griffel, Lee, Pouten
1x1 a „Schönschreibheft".

Wat a wéi gouf an der Schoul geléiert? Wiem huet ee musse folligen? Vill spannend Froen, op déi mir eng Äntwert sichen.

Max. 25 Kanner ab dem Cycle 3
Vun Januar bis August
3 Stonnen

Atelier buchen

D'Hausaarbicht vun der Mamm

Bitzen, botzen, kachen, strecken, Kaffi réischteren a muelen.

Wat huet d'Mamm sich fréier musse ploen! Komm pak eng Hand mat un! Als Belounung gëtt et Eisekuch oder Wäffelcher vum Feier.

Max. 25 Kanner ab dem Cycle 2
Vun Januar bis August
2,5 Stonnen

Atelier buchen

Holzatelier

Hummeren, schnetzen, feilen a schläifen.

Beruffer déi mat Holz geschafft hunn, gouf et vill. Mir léieren der e puer kennen. Eist Geschéck teste mir, andeems mir eis en Hocker bauen.

Max. 25 Kanner ab dem Cycle 3
Vun Januar bis August
3 Stonnen

Atelier buchen

Brout baken

Vum Kär zum Brout Fléiwel, Dreschen, Holzuewen, Fäschen, Sauerdeeg, knieden.

Fir eis Virfahren war et ee wäite Wee Gis d'Brout um Dësch louch. Erlief di verschidde Schrëtt vum klenge Kär zum fäerdige Brout.

Max. 45 Kanner ab dem Cycle 1
Vun Januar bis August
5 Stonnen
Deessem ass dat aalt Lëtzebuerger Wuert fir ugesate Broutdeeg oder fir Sauerdeeg.  De Bäcker huet missen all Stonn an der Nuecht opstoen fir dem Deeg Miel bäizeginn an deen ze knieden. Wat war dat en Gedeessems!

Atelier buchen

Gromperen

Rafen, sortéieren, Gromperekichelcher.

Mir fueren mam Bauer an rafen d'Gromperen. Dono sortéieren mir eis Recolte an kachen Gromperekichelcher.

Max. 50 Kanner ab dem Cycle 1
September/Oktober
Genee Datumen kënnen vu Joër zu Joër änneren.
En halwen Dag, kombinéierbar mat mettes Viz maachen
Ma wëll eng Gromper gesäit wéi eng Bier aus an fënnt sech am Gronn: Et ass eng “Gronn-Bier”!

Atelier buchen

Äppel

Rafen, pressen, baken a schmaachen.

Am Bongert sinn d'Äppel zeidig. Mat eise gefëllte Kierf gëtt um Haff Viz gepresst oder eng gutt Appeltaart gebak. Déi loosse mir eis gutt schmaachen.

Max. 50 Kanner ab dem Cycle 1
September/Oktober
Genee Datumen kënnen vun Joër zu Joër änneren.nuar bis August
En halwen Dag, kombinéierbar mat Grompereprogramm
Wéi d’Réimer op Lëtzebuerg koumen, gouf et nach kee Wäin, mais just fermentéierten Äppeljus. Sie hunn dunn gemengt, dat wier wéi Wäin, mais kee richtege Wäin, an hunn dat Vize-Vinum genannt (wéi Vizepremier oder Vizechampion). D’Lëtzebuerger hunn dann einfach Viz dofir gesot.